Covelo

Presentado en Mondariz Balneario o XI Ciclo de Música Clásica de Barcia de Mera

O director xeral de Polítcas Culturais, Anxo M. Lorenzo, participou hoxe no acto de presentación do Ciclo de Música Relixiosa de Barcia de Mera, que este ano celebra a súa undécima edición. Trátase dun amplo programa de música clásica que se desenvolverá ata o mes de setembro na igrexa barroca da parroquia de San Martiño de Barcia de Mera, no concello de Covelo. A xa tradicional cita cultural atrae cada ano a máis público para gozar da música clásica nunha contorna que non é a habitual para este tipo de espectáculos.

A Xunta reforzará o firme na PO-255 en Covelo

O delegado territorial da Xunta en Pontevedra, José Manuel Cores Tourís visitou o venres, 1 de marzo, a estrada PO-255, ao seu paso polo concello de Covelo, onde se van a levar a cabo nos próximos meses traballos de reforzo do firme que tamén beneficiarán aos concellos da Lama, Fornelos de Montes e A Cañiza. Na visita estivo acompañado polo alcalde da localidade, Pablo Castillo, así como polo alcalde de Fornelos de Montes, Emiliano Lage, e o xefe da Axencia de Infraestruturas en Pontevedra, Fausto Núñez.

A Deputación desenvolverá obras de mellora da seguridade viaria en Covelo

O departamento de Mobilidade da Deputación de Pontevedra vai mellorar a seguranza viaria da estrada provincial que conecta o núcleo da parroquia de A Graña no Concello de Covelo co cemiterio e a igrexa parroquial. No día de hoxe, a presidenta Carmela Silva e o deputado de Mobilidade Uxío Benítez asinaron co alcalde, Juan Pablo Castillo Amigo, un convenio de colaboración entre a institución provincial e o concello para levar adiante as obras, que teñen un orzamento de 288.755 euros.

A Deputación investirá 120.000 euros na mellora de espazos urbanos de Covelo

O deputado provincial de Cooperación, Carlos Font, informou hoxe que o goberno da Deputación de Pontevedra aprobará este próximo venres, en Xunta de Goberno, o financiamento ao concello de Covelo para as obras de mellora no entorno da Igrexa San Bartolomeu da Lamosa. As actuacións teñen un importe total de 121.019,29 euros e forman parte dos fondos da Liña 1 de investimentos do Plan Concellos.

Intercambio de poesía visual entre Colombia e o colexio de Covelo

Despois de varios anos levando con gran éxito a poesía visual e obxectual aos alumnos do terceiro ciclo de educación primaria a través do Proxecto Caligrama 2000, o poeta, dramaturgo e educador vigués, David Fernández Rivera, deu un paso cara adiante no seu compromiso e dedicación para coa infancia desde a lírica, concretamente grazas ao Proxecto Atlántida, unha iniciativa de intercambio de poemas visuais a través da arte correo entre estudantes galegos e colombianos.

David Fernández Rivera regresa ás aulas de Covelo co seu obradoiro de poesía visual

Os alumnos e alumnas de 5º e 6º de primaria do CEIP Antonio Blanco Rodríguez de Covelo gozaron, xunto ao poeta e educador David Fernández Rivera, do Proxecto Caligrama 2000, un obradoiro de poesía experimental creado polo artista e que xa visitou multitude de aulas, tanto a nivel nacional como internacional. A través desta iniciativa, organizada e impulsada polo Concello de Covelo, os pequenos percorreron xunto ao autor unha viaxe electrizante cara ás entrañas das manifestacións menos tradicionais da poesía, especialmente a visual e obxectual.

Suscribirse a este canal RSS