O Condado

O Concello de Mondariz é unha das 381 entidades locais do territorio español que recibiu unha axuda do Ministerio de Transportes, Mobilidade e Axenda Urbana para a rehabilitación de edificios de titularidade pública (PIREP), no marco dos fondos europeos Next Generation para a recuperación.

O Concello de Ponteareas achegará ao público durante este mes dun xeito diferente as vivencias da represión e da ditadura cun amplo programa que inclúe a exposición ‘Rexas. Mulleres baixo o terror franquista’. En colaboración coa Deputación de Pontevedra e ao abeiro do programa ‘O pasado por vir’, a mostra inaugurarase o vindeiro luns 31 de outubro ás 10.00 horas no Museo municipal coa presenza da alcaldesa, Cristina Fernández Davila; da técnica de Memoria Histórica da Deputación, Montse Fajardo; e de concelleiros e concelleiras do Goberno local.

A aula CeMIT de Ponteareas prepara para este mes de novembro unha programación cargada de actividades dirixidas a todos os públicos.

O Grupo de Desenvolvemento Rural do Condado Paradanta, presenta a exposición fotográfica “Visións do Territorio” que contempla 90 imaxes da zona, entre as que se inclúe e unha selección das mellores instantáneas realizadas polos participantes dos tres concursos de fotografía organizados polo GDR.

O Concello de Ponteareas aprobou este martes por unanimidade en pleno sumarse á UNICEF Comité Galicia na celebración o vindeiro 20 de novembro o Día Mundial da Infancia, que este ano se celebra baixo o lema ‘Dereitos e emocións’.

A I Festa dos Callos de Mondariz, organizada polo Mondariz FC coa colaboración do Concello de Mondariz, foi presentada publicamente hoxe fronte aos xardíns Rodríguez Fornos de Mondariz cunha degustación pública.

O pavillón do Complexo Deportivo Álvaro Pino transformouse a pasada fin de semana nunha gran pasarela de grandes promesas do deseño. Once creadores e creadoras, a maioría mozas de Ponteareas, participaron na primeira edición do desfile de moda “Novas Creadoras”.

Reivindicar as ideas transformadoras que estaban vixentes antes do golpe de Estado de 1936 e achegar ao público dun xeito diferente ás vivencias da represión e da ditadura.

Ponteareas prepárase para gozar dun Samaín de medo. O Club Patinaxe Artística Luar organiza este domingo 30 de outubro coa colaboración do Concello unha xornada terrorífica aberta a todos os públicos.

O segundo dos catro proxectos do Concello de Mondariz para mudar a LED toda a rede municipal de alumeado público e aforrar até un 70 % na factura eléctrica municipal xa está en proceso de licitación.

Un libro para ler a modo e reler con pracer e interese. Así é como describe a crítica ‘Mañana vino a verme la luna de los pájaros grandes’, a última obra do poeta ponteareán Alfonso Pexegueiro, que este sábado 29 de outubro presentará ao público na sala multiúsos do auditorio municipal de Ponteareas.

O Club de Lectura da biblioteca municipal de Ponteareas contará este mércores 26 de outubro cunha visita moi especial, a da escritora Inma López, que durante o encontro falará co público asistente sobre unha das súas obras máis notables.