O cociñeiro de Larpeiros, Benigno Campos, será o invitado de honra no showcooking que o domingo se desenvolverá na carpa situada diante da Casa do Concello de Redondela e dentro das actividades das Xornadas Gastronómicas Choco de Redondela.
Benigno Campos amosará os segredos de preparar uns extraordinarios Chocos con patacas e tirabeques contanco cun produto de excelencia como é o choco da baía de San Simón.
Os showcooking comezaban o venres da man de Pucho Barciela, Gilda Pires, para continuar o sábado coa participación de Manuel Conde e José Manuel Durán.
Durante tres días e en directo, veciñas e veciños poden aprender distintas formas de cociñar un produto único como é o choco da baía de San Simón da man de recoñecidos profesionais.
A actividade, que tivo unha extraordinaria acollida por parte do público, forma parte do programa das Xornadas Gastronómicas Choco de Redondela, que continúan esta semana nos 11 establecementos hostaleiros que ofrecen as súas especiais formas de preparar os chocos.
