Arbo, todo sigue igual

Se algo nos deixan estas eleccións municipais, son contrastes. Moitos contrastes. Municipios nos que non cambia absolutamente nada que contrastan con outros nos que hai cambios que poderían cualificarse de radicais. Son, en todo caso, a expresión e o reflexo da vontade popular e digan o que digan, nunhas eleccións é a que manda. En Comarcas na Rede, como fixemos hai catro anos, casi coincidindo co nacemento deste xornal. Damos un repaso, por rigorosa orde alfabética –para que non haxa 'piques'– e coa orde de candidaturas publicada no BOPPO (tamén polo mesmo motivo).

Vinte empresas presentan ofertas para executar as melloras do saneamento en Sendelle e Ameixeira

Un total de 20 empresas presentan as súas ofertas para executar as obras de mellora do sistema de saneamento nas parroquias de Sendelle e Ameixeira, en Crecente, por un investimento de máis de 523.000 euros. A Consellería de Infraestruturas e Mobilidade, a través de Augas de Galicia, colabora co concello co obxectivo de dotar a estes núcleos de poboación dunha nova rede de colectores, ao non dispor na actualidade dunha rede de saneamento axeitada.

Presentado en Mondariz Balneario o XI Ciclo de Música Clásica de Barcia de Mera

O director xeral de Polítcas Culturais, Anxo M. Lorenzo, participou hoxe no acto de presentación do Ciclo de Música Relixiosa de Barcia de Mera, que este ano celebra a súa undécima edición. Trátase dun amplo programa de música clásica que se desenvolverá ata o mes de setembro na igrexa barroca da parroquia de San Martiño de Barcia de Mera, no concello de Covelo. A xa tradicional cita cultural atrae cada ano a máis público para gozar da música clásica nunha contorna que non é a habitual para este tipo de espectáculos.

A Cañiza acolle este venres unha nova edición de +Novas Formas nas políticas locais

Este venres na Cañiza as e os socialistas da provincia celebran unha nova edición de '+Novas Formas nas políticas locais', encontros abertos á veciñanza nos que a presidenta da Deputación de Pontevedra, xunto ás e aos candidatos de Arbo, Covelo, Crecente e A Cañiza, fai un repaso ás políticas públicas e ás novas formas que traen as e os socialistas cando gobernan no eido local.

Arbo presenta en Lisboa a Festa da Lamprea

O Concello de Arbo preseentou a 59 Festa da Lamprea no Centro Galego de Lisboa, nun acto dirixido a socios e socias, autoridades e medios de comunicación da capital portuguesa. Esta presentación forma parte das iniciativas de promoción desta festa, declarada de Interese Turístico Nacional, que desenvolve o Concello. O alcalde de Arbo, Horacio Gil, foi o encargado de relatar as bondades desta celebración que mobiliza a toda a localidade durante semanas coas actividades xeradas ao redor dela.

A Academia Galega de Gastronomía visita Arbo

O Centro de Interpretación do Viño e a Lamprea, Museo Arabo, de Arbo recibiu na pasada semana a visita da Academia Galega de Gastronomía. Acompañados polo alcalde de Arbo, Horacio Gil, os visitantes tiveron a oportunidade de percorrer o museo, lugar onde constataron a estreita vinculación dos veciños e veciñas de Arbo coa lamprea e o viño.

Suscribirse a este canal RSS