O Concello de Oia vén de anunciar a convocatoria dun concurso de debuxo infantil para que os máis pequenos poidan expresar cal é a súa visión sobre os Reis Magos. O traballo gañador ilustrará o cartel da Cabalgata de Reis deste vindeiro Nadal.
Oia vén de estrear a sinalización turística da contorna do Mosteiro de Santa María e o barrio histórico do Arrabal. Esta nova sinalización é froito dun conxunto de actuacións que contaron cun investimento total de 28.070,08 euros por parte do Concello e que abrangueron a a instalación de nove placas informativas en distintos puntos do Arrabal, dun tótem de benvida ao mosteiro e dunha mesa interpretativa na Praza da Centinela.
O Concello de Oia vén de dotarse da app Línea Verde, un sistema co que a veciñanza pode comunicar directamente, desde o seu teléfono móbil, as incidencias e danos no equipamento urbano da localidade. Esta ferramenta de participación cidadá ofrece un servizo rápido e sinxelo de usar para a cidadanía que, ao mesmo tempo, permite ao Concello coñecer as necesidades que existen no municipio e poder dar unha resposta o máis áxil posible.
A Oficina de Turismo de Oia acolle ata final de mes a mostra de fotografías antigas «Memorias da telleira», unha selección de imaxes dos anos 50 e 60 do século XX que ilustran como era o traballo dos cabaqueiros. A mostra pode visitarse de mércores a domingo de 10:00 h a 17:30 horas, ata o próximo día 30 de setembro.
Este luns, 20 de agosto, comezará en Oia un curso formativo sobre ximnasia de mantemento organizado pola Asociación de Mulleres Rurais e desenvolverase os luns na Casa do Pobo e os mércores nas Escolas de Lourezá, en horario de 21:00 a 22:00 h. Ás accións formativas de «Conectadas»poden sumarse tanto homes coma mulleres e o obxectivo é promover e traballar na igualdade entre homes e mulleres.
A deputada de Emprego, Montse Magallanes, visitou onte as actuacións postas en marcha en Oia coas achegas do Plan Concellos da Deputación de Pontevedra para a rede de saneamento no camiño Videira (Viladesuso) e para a rehabilitación de lavadoiros en Vilar (Pedornes). Para estas iniciativas o Goberno provincial investiu 25.994,94 euros.