É noticia...

'Depo en Marcha' inicia esta semana catro novos obradoiros

Ao longo desta semana un total de 67 persoas comezan na provincia catro novos obradoiros enmarcados no programa 'Depo en Marcha 2019'. Os talleres iniciaranse nos municipios de Ponteareas, Vigo e A Estrada. Máis polo miúdo, en Ponteareas, a Asociación Cultural Centro Cultural de Cillarga comeza este luns un taller de Ximnasia de Mantemento, no que van participar 15 persoas todos os luns, de 18:00 a 19:30 horas, e xoves, de 18:00 a 19:00 horas.

Carmela Silva: "Queremos un modelo de provincia sostible contando con todos os concellos"

O Salón de Plenos do Pazo Provincial acolleu hoxe o acto de sinatura do proxecto de aforro e eficiencia enerxética no que a presidenta provincial, Carmela Silva, rubricou os convenios cos alcaldes, alcaldesas e representantes dos 43 concellos que se benefician do programa. O proxecto permitirá substituír 7.519 puntos de luz por luminarias LED nestes 43 concellos (unicamente se podían presentar os que teñen menos de 20.000 habitantes) e que conta cun orzamento de 4 millóns de euros

Nova quenda esta semana no programa 'Depotermal 2019'

Desde onte domingo e ata o vindeiro venres 28 de xuño, un total de 70 persoas da provincia maiores de 50 anos poderán desfrutar dunha nova edición do programa “Depotermal 2019”, organizado pola Deputación de Pontevedra. Máis polo miúdo, trátase da modalidade con pernoita na que participarán 70 persoas que virán dos concellos de Cerdedo-Cotobade, Pontevedra e Vigo. Así, aloxaranse en réxime de pensión completa, con accesos diarios aos circuítos termais, dende este domingo 23 e ata o vindeiro venres, no Hotel Balneario de Mondariz.

DepoAventura A Lanzada arranca hoxe con 11 quendas repletas de actividades

A Deputación de Pontevedra pon en marcha dende este domingo o programa DepoAventura A Lanzada 2019, con 11 quendas cheas de actividades dirixidas a 2.200 mozas e mozos de entre 8 e 13 anos da provincia de Pontevedra. A quenda coa que arranca o programa estenderase entre o 23 e o 29 de xuño e contará con 200 participantes que darán o pistoletazo de saída ás actividades lúdicas, culturais, deportivas e formativas dos campamentos da Lanzada.

Carmela Silva: "apoiar a película de 'María Solinha' é un investimento na cultura"

A presidenta da Deputación de Pontevedra, Carmela Silva, presentou esta mañá a nova película de Ignacio Vilar, 'María Solinha”', que se gravará integramente na provincia e asegurou que “apoiar proxectos coma este non só é un investimento, senón tamén unha inmersión na cultura da nosa provincia”.

Maioría de mulleres na representación socialista na nova Deputación de Pontevedra

As e os socialistas da provincia de Pontevedra elixiron este mércores por unanimidade aos 12 deputados que acompañarán a Carmela Silva na Deputación de Pontevedra durante o próximo mandato. Trátase dunha lista caracterizada pola renovación, onde só tres deputadas e deputados, ademais da actual presidenta, repiten no cargo, todas e todos eles polo partido xudicial de Vigo e concelleiras e concelleiros da cidade olívica: Carlos López Font, Isaura Abelairas e Santos Héctor Rodríguez.

Suscribirse a este canal RSS