Nigrán celebra a festa do seu patrón, San Fiz, con dous días de actividades

O Concello de Nigrán abre o mércores coa festa da escuma na Praza do Concello e as actuacións das orquestras América e Televisión no Ceán os festexos de San Fiz, patrón do municipio. Esta celebración, organizada directamente polo Concello, estenderase por vez segunda vez consecutiva durante dous días (o mércores 31 de xullo e o mércores 1 de agosto, festivo local) con múltiples actividades para nenos e maiores e coa participación de grupos de referencia en Galicia, outogándolle a entidade que merece aos festexos do patrón da localidade.

Éxito do Torneo de Voley Praia 3x3 de Baiona

A pasada fin de semana a praia da Ladeira, en Baiona, acollía o tradicional Torneo de Voley 3x3 organizado, de xeito conxunto, pola Concellería de Deportes do Concello de Baiona, que dirixe Miriam Costas Iriarte e o Club Vigo Voley. Pese ás condicións meteorolóxicas irregulares, o torneo foi todo un éxito do que falan os 41 equipos participantes que estiveron distribuídos entre as categorías de adultos (32 equipos) e sub 14 (9 equipos) o que fixo que foran máis de 200 participantes e batindo o récord de participación respecto aos anteriores torneos.

Nigrán bonifica o imposto de rodaxe aos vehículos eléctricos, híbridos e a gas

A aposta do Concello de Nigrán polo medioambiente, dista moito de ser unha mera declaración de boas intencións –como por desgraza acontece noutros concellos– senón que é unha filosofía de traballo que dende o pasado mandato desenvolve o executivo de Juan González coa aplicación de medidas concretas, ben estudadas e planificadas. A maiores, e dende o convencemento de que a loita pola conservación medioambiental é de todos e todas, o Concello de Nigrán traballa na concienciación da veciñanza incentivando, como é neste caso concreto, o uso de vehículos híbridos ou eléctricos.

A loita europea contra a contaminación, comeza en Nigrán

Nigrán, pioneiro nunha chea de cousas, pasará a selo tamén, a nivel europeo, na loita contra a contaminación. O Concello que preside Juan González conta dende esta semana no río Muíños (ao seu paso por Porto do Molle) coa primeira biobarda contra a contaminación de Europa, fabricada pola Asociación do Monte Galego de xeito experimental e co obxectivo de recolectar os residuos flotantes, entre os que destacan os plásticos.

González transmítelle a Corina Porro a urxencia de "desatascar" a situación de Otero Pedrayo

O alcalde de Nigrán, Juan González, mantivo esta mañá na Casa do Concello unha reunión con Corina Porro nun dos seus primeiros encontros oficiais como nova delegada da Xunta en Vigo. A visita, á que asistiron máis membros do goberno local, servíu para que o rexedor lle transmitise persoalmente os asuntos competencia do goberno autonómico que máis urxen no municipio e, neste sentido, priorizou a necesidade de desatascar a situación da rúa Otero Pedrayo.

Tres barcos do Monte Real, na cabeza do «Conde de Gondomar»

As clases PSA RETAIL ORC 4-5, RÍAS BAIXAS J80 e MARTIN MILLER FÍGARO foron as encargadas de inaugurar este xoves, día grande de Galicia, a clasificación do 44º Conde de Gondoma –Trofeo Banco Sabadell, que se celebra estes días en Galicia baixo a organización do Monte Real Club de Iates de Baiona. 

Suscribirse a este canal RSS