Mos

A mocidade mosense poderá viaxar ao Courel

O Concello de Mos organiza unha excursión de fin de semana a Serra do Courel (Lugo) para a xuventude do municipio, os días 2 e 3 de maio. Os interesados terán de prazo ata o día 23 de abril para formalizar a súa inscrición.

II Carreira Popular en Pereiras

A Asociación de Festas San Miguel de Pereiras organiza a II Carreira Popular Pereiras-Mos que se celebrará o vindeiro 18 de abril ás 18.00 horas da tarde con saída e chegada á Igrexa de San Miguel de Pereiras. Trátase dunha carreira de categoría absoluta, isto é, para maiores de 18 anos, cronometrada, con probas de 10.000 metros e 5.000 metros e percorrido por asfalto.

A Biblioteca Municipal amplía os seus fondos

A Biblioteca Pública municipal de Mos vén de ampliar os seus fondos bibliográficos en case que 200 novos exemplares, todas elas novidades literarias das que o 30% están escritas en lingua galega. Unha subvención da Consellería de Cultura, Educación e Ordenación Universitaria, fixo posible a adquisición destes novos títulos para a biblioteca mosense

Literatura e música no Día da Muller en Mos

Onte 8 de marzo, Día Internacional da Muller, celebrouse o acto central da programación municipal conmemorativa desta data cun concerto de Marta Quintana e a entrega de premios do Concurso Escolar de Textos ‘A túa visión sobre a muller’. Iniciouse ás 18.00 horas no auditorio do Centro Dotacional de Torroso, e contou coa presencia da alcaldesa de Mos, Nidia Arévalo, e da concelleira mosense de Benestar Social e Cultura, Sara Cebreiro.

Suscribirse a este canal RSS