O Porriño

A Audiencia Provincial anula a sentenza que absolvía á alcaldesa do Porriño

A Sala Cuarta da Audiencia Provincial de Pontevedra vén de anular a sentenza dictada polo Xulgado Penal Nº 1 de Pontevedra que absolvía a Eva García de la Torre, alcaldesa do Porriño, dun presunto delito de falsedade en documento oficial a raiz dunha denuncia interposta por uns particulares durante o seu exercicio profesional como avogada. Eva García expresou a súa "confianza na xustiza" e asegurou que esta decisión da Audiencia "“non afecta a miña actividade política nin a meu cargo como alcaldesa e polo tanto manteño a folla de ruta para a formación de novo goberno municipal de Porriño".

Porriño inicia a colocación de xaulas para controlar a poboación de pombas na vila

Persoal especializado da empresa Rentokil comezou a colocación de xaulas que permitan controlar a poboación de pombas. Unha delas foi instalada no edificio abandoado de Instalauto, ao carón da Praza Central. Precisamente nese punto do casco urbano, así como noutros, producironse queixas reiteradas de taxistas, locais de hostalería e moitas comunidades de veciños de edificios o que motivou que o Concello de Porriño, ante estas peticións contratase á empresa para controlar a poboación de pombas mediante métodos de loita biolóxica.

Máis de 200 participantes tomarán a saída no 'VI Triatlón Concello do Porriño'

As estimacións da organización apuntan que a sexta edición do Triatlón Concello de Porriño que se celebrará o vindeiro 8 de xuño, superará os 200 participantes, á vista de que hoxe en día hai máis de 150 inscripcións feitas. A inscripción estará aberta ata o 4 de xuño, é dicir, ata catro días antes da proba. Este mediodía realizouse a presentación que estivo presidida pola alcaldesa Eva García, en representación do Concello de Porriño.

O Porriño reivindica catro séculos de tradición para converterse na capital galega do pan

A vila do Porriño acollerá esta fin de semana a cuarta edición da Feira do Pan do Porriño, na que se quere resaltar a singularidade e a excelencia deste produto, avalada por máis de catro séculos de elaboración artesanal, sumados ao emprego de fariñas tradicionais e de masa nai. A Feira, que se desenvolverá o sábado 1 de xuño e domingo 2 de xuño, foi presentado hoxe no Palacete das Mendoza, sede de Turismo Rías Baixas da Deputación de Pontevedra, polo deputado de Turismo, Santos Héctor e a alcaldesa en funcións do Porriño, Eva García de la Torre.

Todo en mans da U.D.D.L.

Estas Municipais 2019 deixan, nalgúns concellos, resultados nos que pode pasar de todo ou pode non pasar nada como é o caso do Porriño. O PP repite resultados con 8 representantes, e o PSOE repite os catro que xa tiña. A estes engádense os dous de Son en Común; os dous do BNG e o concelleiro en solitario de U.D.D.L (Unión Democrática da Louriña) que é, precisamente o que ten a chave do Goberno.

O Porriño toma medidas para contrarrestar a presenza masiva de pombas

O Concello de Porriño, ante a petición xeralizada de taxistas, locais de hostalería e moitas comunidades de veciños de edificios do centro urbán, vén de contratar á empresa Rentokil para controlar a poboación de pombas mediante métodos de loita biolóxica. A empresa que ten sede no polígono porriñés da Granxa, está a expensas da autorización da Consellería de Medio Ambiente da Xunta de Galicia para iniciar os traballos de trampeo que deberán alongarse durante un ano, a través de acción mensuais.

Suscribirse a este canal RSS