Satisfacción do Goberno ponteareán ao recoñecer o PP os baixos salarios dos concelleiros

O Pleno do Concello de Ponteareas debateu onte unha iniciativa do Partido Popular na que se solicitaba rebaixar os salarios da Corporación Municipal. O goberno de Xosé Represas amosou a súa satisfacción tralo debate despois de que a portavoz popular, Belén Villar, afirmase que “os salarios dos cargos públicos de Ponteareas son baixos” Sen embargo a voceira do PP insistíu en criticar o que considera un aumento excesivo do gasto en remuneracións ao goberno local.

O PP reparte as tarefas "para fiscalizar ao goberno local"

O Grupo Municipal do PP de Ponteareas mantivo unha reunión para repartir "o traballo de fiscalización" e propostas entre os cinco concelleiros que están a representar ao PP no consistorio de Ponteareas. A portavocía mantena Belén Villar, quen tamén será a responsable de fiscalizar ao goberno e facer propostas en materia económica, de emprego e servizos básicos.

Belén Villar: "Faremos unha oposición seria e construtiva para recuperar a confianza da veciñanza"

A presidenta do PP de Ponteareas, Belén Villar, reuniu aos once primeiros candidatos da lista electoral para solicitarlles "o seu apoio e o seu compromiso de traballo constante durante o próximos catro anos". "Non podemos baixar a garda, as eleccións empézanse a gañar desde o minuto un en que se perden. Só cun traballo constante de catro anos poderemos recuperar a confianza dos nosos veciños", explicou a candidata.

Belén Villar: "o Corpus ten que estar presente en Ponteareas durante todo o ano"

A candidata do PP á Alcaldía de Ponteareas, Belén Villar, presentoulle as asociacións de Alfombristas a súa proposta para impulsar a promoción do Corpus Christi de Ponteareas. Villar explicou que o Concello ampliará no calendario os festexos da celebración e que é necesario a creación dun museo no que todos aqueles que visiten Ponteareas, ao longo do ano, poidan coñecer a historia, a festa, as alfombras e todo o que vira en torno ao Corpus Christi. “Temos que crear un espazo físico no que calquera veciño ou turista poida facer un repaso da historia, descubrir todo o relacionado co Corpus”.

Chus Garrote advirte que o PP "quere dilatar a aprobación do PXOM"

A candidata socialista e Concelleira de Urbanismo, Chus Garrote, advirte que "o Partido Popular so quere dilatar a aprobación do PXOM e confundir á cidadanía actuando de maneira irresponsable a súa voceira Belén Villar nas súas funcións como concelleira da oposición". A concelleira socialista lémbralle á popular Belén Villar que "en novembro de 2018 abriuse un período de detección de erros para todo o mundo, canto máis para os concelleiros da oposición aos que se lles trasladou o documento nese mesmo mes contando tamén con liña directa co equipo redactor".

Belen Villar asegura que no PXOM "se fixeron grandes cambios prexudicando a moitos veciños"

A voceira e candidata do PP, Belén Villar, asegurou hoxe que o Goberno local "non foi quen de sacar adiante o PXOM nestes últimos catro anos" ao mesmo tempo que denuncia "que agora busque aprobalo en plena campaña sen presentar nas comisións os novos planos, as supostas novas modificacións, cunha total inseguridade que desde logo o grupo que lidero non vai apoiar”.

Belén Villar presenta "un equipo renovado" que vai "saír a gañar"

A candidata do Partido Popular á Alcaldía de Ponteareas, Belén Villar, presentou ás 30 persoas que a acompañan na lista ás próximas eleccións municipais. Ao acto acudiu o presidente provincial, Alfonso Rueda, e máis de duascentas persoas entre simpatizantes, amigos e familias dos candidatos. Villar agradeceu o traballo prestado por edís de anteriores corporacións e resaltou que recollía a testemuña de xente moi válida e traballadora.

Belén Villar propón un 'Plan Parroquias' para a súa dinamización

A voceira e candidata do Partido Popular á Alcaldía de Ponteareas, Belén Villar, presentou, esta mañá, outra dás propostas incluídas no seu programa electoral. “Hoxe presentamos o Plan Parroquias, porque as 23 son parte esencial do noso municipio. O goberno actual, ten totalmente abandonadas as parroquias de Ponteareas.”, afirmou Belén Villar. Para a candidata do PP é unha prioridade que se atenda as parroquias e que se conecten co centro do municipio.

Suscribirse a este canal RSS