10.2 C
Pontevedra
Venres, 29 de Marzo de 2024
Máis
    HomeBaixo MiñoTuiCampamentos, campus e cursos de iniciación centran a ampla oferta deportiva e...

    Campamentos, campus e cursos de iniciación centran a ampla oferta deportiva e lecer deste verán en Tui

    Tui acollerá este verán diversas actividades deportivas e lecer promovidas polo Concello de Tui e por distintas asociacións e club deportivos do municipio que en conxunto presentan unha ampla oferta para os meses estivais.

    Na presentación destas actividades o concelleiro de Deportes, Rafael Estévez, amosábase satisfeito pola oferta que se presenta durante os meses de xullo e agosto no municipio, ás que se sumará a apertura da piscina municipal a finais do mes de xuño.  A concelleira de Igualdade, Ana Mª Núñez, era a encargada de explicar os detalles do campamento que organiza o propio concello. Trátase do Campamento Urbano Igual É + no que se ofertan 150 prazas para nenos e nenas de 3 a 12 anos. Haberá tres quendas entre o 27 de xuño e o 30 de xullo. Será de luns a venres de 9 a 14 h con opción de aula matinal e mediodía. A inscrición está aberta até o luns 13.

    Mentres na Aula da UNED do 27 de xuño ao 8 de xullo celebrarase o Campus Urbano Inglés no meu entorno para mocidade de 10 a 15 anos. O horario será de 10 a 18.30 h. A inscrición está aberta até o 25 de xuño podendo realizar na web do Centro Asociado da UNED en Pontevedra no apartado da aula tudense.

    A ANPA do CEIP de Guillarei organiza tamén un Campamento de Verán que abarcará todo o período de vacacións escolares dende o 23 de xuño ao 7 de setembro, de luns a venres de 9 a 14, con opción de aula madruga e mediodía.  A inscrición pode realizarse até o 17 de xuño no 675 91 63 55.

    En Caldelas a Asociación A Insua organiza tamén un campamento para os meses de xullo e agosto que se celebrará polas mañás de 9 a 14 h e de luns a venres.  Neste caso a inscrición pode realizarse en info@eventualive.com ou no 667 93 32 05.

    Amais o Conservatorio Profesional de Música de Tui oferta do luns 27 ao 29 de xuño cursos gratuítos de Música e Movemento para nenos e nenas de 5 e 6 anos, e de Proba Instrumental para os que teñen de 7 a 10 anos. A información e a inscrición está accesible na web deste centro de ensino.

    Xa no que se refire ás actividades deportivas o Club Bádminton Tui realizará adestramentos abertos a todas as persoas que desexen probar este deporte no mes de agosto os martes e xoves de 10 a 11.30 h e de 11.30 h a 13 h no pavillón do IES San Paio.

    Por outra o Club Balonmán Tui realizará a actividade “Balonmán con amigos” no colexio Maristas do 27 de xuño ao 1 de xullo de luns a venres de 9 a 13 h, e do 1 ao 12 de agosto no pavillón  Gustavo Rodríguez. Trátase dunha actividade gratuíta financiada pola Secretaría Xeral para o Deporte. Pódese acadar máis información no 684 15 54 64 ou 656 764 852.

    Catro serán os campus de fútbol e fútbol sala que se van realizar en Tui este verán. O Club Deportivo Caldelas organiza o VI Campus de Fútbol Sara Tui entre o 27 de xuño e o 8 de xullo dirixido a rapaces e rapazas con idades entre os 4 e os 18 anos. Desenvolverase polas mañás, de 9 a 13 h no Campo Municipal de Fútbol O Foxo de Caldelas. As persoas interesadas poden inscribirse no 680 81 13 58.

    O Tyde FC realizará, entre o 18 ao 22 de xullo de luns a venres de 10 a 13.30 h, o V Campus de Fútbol Solidario do Tyde con SOS Tomiño Baixo Miño no Campo Municipal de Fútbol Álvarez Durán. Está dirixido a idades entre os 4 e os 13 anos. A inscrición pode realizarse no 616 73 92 69.

    A Quinta de Tui FS amplía a duración do seu Campus de Fútbol Sala Antonio Martín “Toñín” que se celebrará entre o 4 e os 22 de xullo de luns a venres de 9 a 14.30 h nos pavillóns municipais para nenos e nenas de 4 a 15 anos. Neste caso as persoas interesadas deben dirixirse a campusfstui@gmail.com ou  ao 690 05 85 79.

    O Club Deportivo Fútbol Sala Tui programación o seu Campus de Fútbol Sala nos pavillóns municipais entre o 22 de agosto e o 2 de setembro, sendo preciso inscribirse no 669 48 24 25.

    O Club Kaiak Tudense ofertará de novo por quincenas os seus Cursos de Iniciación ao Piragüismo entre o 1 de xuño e o 31 de agosto os luns, mércores e venres de 11 a 13 h ou de 16.45 a 19 h para rapaces e rapazas de 8 a 14 anos. A información pode ampliarse e realizarse a inscrición en kayaktudense@kayaktudense.org ou 687 99 84 97.

    O Club Remo do Miño realiza no mes de agosto Cursos de Verán de Remo con inscrición no 651 91 51 50. Por último o Club Remo Tui levará a cabo entre o 1 de xullo ao 31 de agosto, os luns, mércores e venres de 10.30 a 13.00 h os seus Cursos de Verán de Remo. É preciso inscribirse no 648 70 58 89.         

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.