Crecente, o BNG irrumpe en escena pero o PP mantén unha folgada maioría

Crecente é un reflexo, máis ou menos, de Covelo onde as sorpresas gustan pouco. En todo caso, o bo traballo realizado polo BNG fai que, entre na corporación municipal cun concelleiro que lle 'rouba' ao PP que, pese a iso mantén unha folgada maioría absoluta de 8 concelleiros dun total de 11. Pola súa banda, o PSdeG-PSOE, repite resultados e mantén os dous concelleiros que xa tiña no anterior mandato.

Vinte empresas presentan ofertas para executar as melloras do saneamento en Sendelle e Ameixeira

Un total de 20 empresas presentan as súas ofertas para executar as obras de mellora do sistema de saneamento nas parroquias de Sendelle e Ameixeira, en Crecente, por un investimento de máis de 523.000 euros. A Consellería de Infraestruturas e Mobilidade, a través de Augas de Galicia, colabora co concello co obxectivo de dotar a estes núcleos de poboación dunha nova rede de colectores, ao non dispor na actualidade dunha rede de saneamento axeitada.

A Deputación construirá un muro de contención na rúa Mon y Landa de Crecente

O departamento de Mobilidade da Deputación de Pontevedra vai construír un novo muro de contención na rúa Mon y Landa do Concello de Crecente para estabilizar un noiro e evitar o esvaramento da calzada nun treito duns cen metros de lonxitude na estrada provincial EP-5005 Cañiza-Pousa. O deputado Uxío Benítez explica que as obras consistirán na construción dun novo terraplén e dun muro de escollera que permitirán conter as terras nas que se asenta a vía garantir o tránsito de vehículos e de peóns con seguranza viaria.

  • Publicado en Crecente

Ata 255 persoas participarán esta semana no programa “DEPOTERMAL 2018”

Desde este domingo e ata o vindeiro venres 19 de outubro, un total de 255 persoas maiores de 50 anos da provincia poderán desfrutar dunha nova edición do programa “Depotermal”, organizado pola Deputación de Pontevedra. Máis polo miúdo, na modalidade diúrna, participarán 51 persoas que virán do concello da Lama. Estas veciñas e veciños acudirán durante cinco días, dende o luns 15, a gozar dos circuítos termais do Acquaforum Termas de Cuntis.

Arbo, Crecente e Melgaço revisan os seus límites internacionais

Un ano máis o Concello de Arbo e a Câmara Municipal de Melgaço asinan os documentos de Revisión de Limites entre España e Portugal. O acto, que tivo lugar no Salón de Plenos da Casa do Concello de Arbo, contou coa presenza do alcalde de Arbo, Horacio Gil, e o presidente da Câmara de Melgaço, Manoel Batista Calzada Pombal. Asemade, o alcalde de Crecente, Julio César García–Luengo Pérez, asinaba tamén o mesmo documento co presidente da Câmara portuguesa.

  • Publicado en Arbo

A Deputación recibe 33 ofertas para os sendeiros das Neves, Arbo e Crecente

A Deputación de Pontevedra recibiu un total de 33 ofertas para a realización dos proxectos de ampliación e mellora dos sendeiros tradicionais de pescadores nos concellos de Arbo, As Neves e Crecente. Estas tres primeiras actuacións supoñen os primeiros pasos para a creación dun gran anel verde de sendeiros que percorrerá todo o litoral do sur da provincia e que se comunicará cos sendeiros portugueses da outra beira do río Miño a través dunha ponte peonil internacional, dentro do proxecto de cooperación transfronteiriza Visit Río Miño.

Primeiros pasos da Deputación para un anel verde de sendeiros ás beiras do Miño

A Deputación de Pontevedra vén de dar os primeiros pasos para a creación dunha gran rede circular de sendeiros verdes en torno ao río Miño, unha acción recollida dentro do proxecto ecoturístico de cooperación transfronteiriza, Visit Rio Minho. Mediante a firma de tres convenios de colaboración cos concellos de As Neves, Arbo e Crecente, a institución provincial financiará a realización dos proxectos técnicos necesarios para a ampliación e acondicionamento dos sendeiros de pescadores tradicionais xa existentes nos tres concellos, a habilitación de novos tramos e a creación dun miradoiro.

Suscribirse a este canal RSS