Chapela énchese de boa música este sábado co «Berete Rock»

Comezou sendo a xuntanza dun grupo de amigos para poder gozar, en directo, da música que facía un membro da asociación. Debido ao éxito acadado, pasou a ser un escaparate para a promoción dos grupos locais. Hoxe, tan só oito anos despois, o Berete Rock é todo un referente na música e unha cita obrigada para os amantes do rock. Esa "xuntanza de amigos" converteuse nun Festival –en maiúsculas– polo que pasaron grupos da talla de Stoned at Pompeii, The Killer Barbies ou Aphonic.

Digna Rivas traslada á Xunta as demandas de Redondela en materia de Ensino

A alcaldesa de Redondela, Digna Rivas, acompañada pola concelleira de Ensino, Olga García Ballesteros, recibiu na Casa do Concello ao xefe territorial de Educación da Xunta de Galicia, César Pérez Ares, de cara a tratar temas de interese para ámbalas dúas administracións. En concreto, César Perez Ares interesouse polo situación dos permisos municipais que permitan á Consellería de Educación ampliar a instalacións do IES Pedro Floriani e dotalo dun novo módulo.

Digna Rivas rexeita ante a Autoridade Portuaria que Rande convértase nun depósito de contedores

A alcaldesa de Redondela, Digna Rivas, expresou o pasado venres na reunión do Consello de Administración da Autoridade Portuaria de Vigo, o seu máis “fondo rexeitamento a que a parcela de Duches, en Rande, sexa destinada ao almacenaxe de contedores. A alcaldesa redondelá defendeu a postura manifestada no seu momento pola veciñanza do municipio totalmente contraria ao uso que se pretende por parte de Autoridade Portuaria viguesa.

Carmela Silva enxalza o "compromiso do SinSal cos novos valores do século XXI"

Os vindeiros días 25, 26, 27 e 28 de xullo a Illa de San Simón acollerá unha nova edición do «Sinsal Son Estrella Galicia», unha das citas dos #FestivaisRíasBaixas que promove a Deputación de Pontevedra e un evento “comprometido cos novos valores do S.XXI: a sustentabilidade do entorno, o compromiso co medio ambiente na loita contra os plásticos e o compromiso coa igualdade, ao ter moitas artistas mulleres tanto no cartel coma na organización”.

PSdeG-PSOE e AER acadan un acordo de Goberno para os vindeiros catro anos

O PSdG e a Agrupación de Electores de Redondela, AER, asinaron na tarde do martes o acordo polo que se conforma o goberno local para os vindeiros catro anos. Deste xeito, Redondela contará cun goberno inédito ata o de agora. Por unha banda, os socialistas recuperan a Alcaldía do cuarto municipio da provincia tras oito anos de goberno en minoría do Partido Popular. Para AER o fito é aínda maior xa que accede ao goberno por primeira vez na súa historia.

A Casa do Concello de Redondela exhibe, por primeira vez, a bandeira arco iris

Dende hoxe venres 28 de outubro e durante unha semana, o balcón da Casa do Concello de Redondela lucirá a bandeira arco iris coa que, explicou a alcaldesa Digna Rivas, durante a celebración deste acto “queremos significar o compromiso deste goberno e desta alcaldesa coa diversidade e coa integración de todos e todas”. Amais da bandeira, un banco pintado coas cores arco iris, estará durante toda a xornada instalado na Praza do Concello para, posteriormente, pasar a súa instalación definitiva nos soportais laterais da Casa do Concello de Redondela.

Carmela Silva pon en valor o relevante papel das mulleres á sustentabilidade do mar

A presidenta da Deputación, Carmela Silva, xunto á deputada provincial, Isaura Abelairas; á alcaldesa de Redondela, Digna Rivas; a profesora e comisaria da exposición Mari Lires, e as mulleres e homes da Confraría de Redondela, asistiu esta mañá á inauguración da mostra itinerante “Achegas das Mulleres á sustentabilidade do mar” na lonxa de Cesantes, unha iniciativa promovida pola institución provincial en colaboración coa Universidade de Vigo para darlle visibilidade ao papel da muller no ámbito mariño.

Suscribirse a este canal RSS