9.6 C
Pontevedra
Xoves, 28 de Marzo de 2024
Máis
    HomeO CondadoPonteareasHumor con lingua en Ponteareas coa obra ‘A parábola do angazo’

    Humor con lingua en Ponteareas coa obra ‘A parábola do angazo’

    A compañía representará o espectáculo no auditorio municipal este sábado 29 de abril ás 20.30 horas

    O auditorio municipal Reveriano Soutullo de Ponteareas abre esta fin de semana as súas portas para dar a benvida a Talía Teatro e a súa obra ‘A parábola do angazo’, unha comedia na que, a través do humor e a partir de textos de diferentes autores, a compañía invita ao público a reflexionar sobre as linguas no mundo e sobre o galego, botando unha ollada ao pasado para ter outra perspectiva do presente e mirar de esguello ao que haberá no futuro.

    Dirixida por Diego Rey con Toño Casais e Artur Trillo, Talía Teatro subirá ao escenario para contar a historia dun mozo dunha aldea galega que decide emigrar a Castela e que, aos poucos meses retorna a casa. Neses días ocorre algo tan incríbel como desastroso: aquel home esquecera a lingua do seu pobo, a que levaba falando toda a súa vida.

    Ponteareas acolle a representación desta obra este sábado 29 de abril ás 20.30 horas. As entradas terán un prezo de 3 euros por persoa e poderán adquirirse o venres 28 de abril de 10.00 a 14.00 horas na biblioteca municipal ou o propio sábado 29 de 11.00 a 13.00 e de 18.30 a 20.30 na billeteira do auditorio.

    O concelleiro de Cultura, Fernando Groba, anima a toda a veciñanza a achegarse este sábado ao auditorio municipal “e gozar dunha obra que, rindo a eito, nos permitirá sacar a nosa lingua ben fóra e demostrar que aínda ten moito que dicir”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.