Nigrán bonifica o imposto de rodaxe aos vehículos eléctricos, híbridos e a gas

A aposta do Concello de Nigrán polo medioambiente, dista moito de ser unha mera declaración de boas intencións –como por desgraza acontece noutros concellos– senón que é unha filosofía de traballo que dende o pasado mandato desenvolve o executivo de Juan González coa aplicación de medidas concretas, ben estudadas e planificadas. A maiores, e dende o convencemento de que a loita pola conservación medioambiental é de todos e todas, o Concello de Nigrán traballa na concienciación da veciñanza incentivando, como é neste caso concreto, o uso de vehículos híbridos ou eléctricos.

  • Publicado en Nigrán

González transmítelle a Corina Porro a urxencia de "desatascar" a situación de Otero Pedrayo

O alcalde de Nigrán, Juan González, mantivo esta mañá na Casa do Concello unha reunión con Corina Porro nun dos seus primeiros encontros oficiais como nova delegada da Xunta en Vigo. A visita, á que asistiron máis membros do goberno local, servíu para que o rexedor lle transmitise persoalmente os asuntos competencia do goberno autonómico que máis urxen no municipio e, neste sentido, priorizou a necesidade de desatascar a situación da rúa Otero Pedrayo.

  • Publicado en Nigrán

Nigrán remata a instalación dos «dispensadores» de cabichas nos areais

O Concello de Nigrán vén de dar por rematada a instalación dos cabicheiros ou "dispensadores" de cabichas nas praias de Patos, Area Fofa, A Madroa, Panxón e Lourido. O obxectivo desta campaña é que as persoas fumadoras "sexan máis conscientes do daño que sufren os nosos areais e noso medio Ambiente si deixamos as “cabichas” soterradas na praia", explican dende o Concello que preside Juan González.

  • Publicado en Nigrán

Éxito de #SanXoanSenLixo, Praia América amence libre de desperdicios

O Concello de Nigrán celebra o éxito da súa primeira campaña municipal de concienciación ambiental #SanXoanSenLixo ao amencer Praia América-Lourido libre de desperdicios, unha imaxe sen precedentes nesta data. Así, das 20 toneladas aproximadas de lixo xenerado, máis dun 90% foi depositado polos usuarios e usuarias nos correspondentes contedores a pé de praia, echéndose por completo as illas de reciclaxe dispostas por vez primeira nas entradas.

  • Publicado en Nigrán

Nigrán e Vilanova de Gaia, irmandados polo baloncesto

O GD Bolacesto de Vilanova de Gaia desprazouse esta fin de semana ata Nigrán cos seus equipos junior e senior femenino, xunto a unha representación de familias e directivos, para disputar un torneo amistoso coas xogadoras de C.B. Nigrán no que tamén participou o equipo senior do C.B. Redondela.

  • Publicado en Nigrán

Juan González: "Seguiremos gobernando con consenso, transparencia, participación e proximidade"

O alcalde en funcións de Nigrán, o socialista Juan González, quen obtivo 13 dos 17 concelleiros da corporación, compromete continuar gobernando na mesma liña nos vindeiros catro anos, é dicir, “con consenso, participación, transparencia e proximidade”. "Agardábamos un bo resultado pero é certo que superou os mellores pronósticos, o noso compromiso e seguir gobernando así, poñendo ás persoas por riba de todo, non ímos a cambiar".

  • Publicado en Nigrán

Juan González presenta, este venres, a súa candidatura ás municipais 2019

O alcalde socialista de Nigrán e candidato á reelección nas municipais do 26 de maio, Juan González, presenta este venres ás 20:30 horas no Auditorio Municipal de Nigrán a súa candidatura nun acto público aberto á participación da veciñanza, a quen precisamente invita a asistir. Esta primeira xuntanza, así como as que manterá en cada parroquia (a seguinte delas en Priegue o sábado 11 ás 20:30 no Centro Cultural O Torreiro) ten como obxectivo non só presentar as propostas do partido socialista para os vindeiros catro anos, senon tamén escoitar os desexos ou as preguntas dos veciños e veciñas.

  • Publicado en Nigrán

Nigrán asfalta trece rúas de Camos cun investimento superior aos 142.000 euros

O Concello de Nigrán rematará esta semana o asfaltado de trece rúas da parroquia de Camos por importe de 142.731 € a cargo do Plan Concellos 2019 da Deputación de Pontevedra. Estas atópanse nos barrios de As Pedras, A Lama, A Touza, O Carballal, A Cruz, Marín, Vilar, O Sobral, A Rotea (segunda fase) e A Carballeira e todas elas levaban máis dunha década sen pavimentar, algunhas incluso dúas.

  • Publicado en Nigrán
Suscribirse a este canal RSS