Tui celebra a XVIII Feira do Libro co gallo do Día das Letras Galegas

Este domingo, 17 de maio, celebrarase a XVIII Feira do Libro Galego, no Paseo da Corredoira, con motivo do Día das Letras Galegas, dedicado este ano a Xosé Fernando Filgueira Valverde. Esta actividade está organizada polo Concello de Tui coa colaboración das librarías tudenses Espazo Lector, Iris e Valverde que ofrecerán un 10 % de desconto, e de ACITUI.

  • Publicado en Tui

O "Premio Blanco Amor" pecha a VII Semana do Libro de Redondela

Fran P. Lorenzo, autor de Cabalos e lobos, a novela gañadora da XXXII edición do Premio Blanco Amor, presenta a súa obra o vindeiro mércores 29 de abril, ás 20.00 h, na sala II do multiúsos da Xunqueira, dentro da programación da VII Semana do libro, a festa das palabras, que organizan as Bibliotecas de Redondela e o Servizo de Normalización Lingüística. Acompañarao Manuel Bragado, director de Edicións Xerais de Galicia.

A Biblioteca de Tui celebra o Día do Libro

A Biblioteca Pública Municipal de Tui súmase aos actos conmemorativos co gallo da celebración do Día do Libro, que ten lugar hoxe, día 23 de abril, con diversas actividades dirixidas tanto a público infantil coma adulto.

  • Publicado en Tui

Presentación de “(No) Meio (do) Oriente”

O escritor Artur Alonso Novelhe presentou en Ponteareas o seu último libro, titulado “(No) Meio (do) Oriente”, libro de teatro no que a través da personaxe principal –Carlos– pescuda nas eternas preguntas que desde sempre se fai a humanidade, sobre a morte ou sobre o amor…

Libros e artesanía, protagonistas no Porriño

Tras o éxito das pasadas edicións, o Concello de Porriño a través da Concellaría de Cultura que dirixe Teresa Veloso, organiza por quinto ano consecutivo a Feira do Libro e a Artesanía de Porriño. Dende este xoves e ata o sábado, en horario ininterrompido de 10:00 a 20:00 horas, poderanse visitar máis dunha vintena de postos na zona peonil de Porriño nos que artesáns e libreiros expoñerán artigos para a súa venda. Obxectos artesanais como abelorios, artigos de coiro ou olaría, rosquillas e Cup-Cakes, discos de música, películas e, por suposto, libros de toda índole son algúns dos produtos nos próximos días inundarán o centro de Porriño.

A Biblioteca Municipal amplía os seus fondos

A Biblioteca Pública municipal de Mos vén de ampliar os seus fondos bibliográficos en case que 200 novos exemplares, todas elas novidades literarias das que o 30% están escritas en lingua galega. Unha subvención da Consellería de Cultura, Educación e Ordenación Universitaria, fixo posible a adquisición destes novos títulos para a biblioteca mosense

  • Publicado en Mos

XIII edición do Certame Literario Conde de Gondomar

A Concellaría de Educación do concello de Gondomar, dirixida por Paula Bouzós, convoca o Certame Literario Don Diego Sarmiento de Acuña, Conde de Gondomar. Nesta XIII edición, establécense dúas modalidades: Poesía (mínimo de 14 versos, máximo 50) e Relato Curto (máximo 15 folios DIN A4). Poderán concorrer todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos.

Suscribirse a este canal RSS