Mondariz invítache a coñecer o seu patrimonio cultural e natural

O Departamento de Xuventude do Concello de Mondariz vén de organizar diversas actividades que teñen como obxectivo dar a coñecer o rico patrimonio, tanto natural coma cultural, que posúe o municipio. As actividades, que se desenvolverán ao longo dos meses de agosto e setembro e que están incluídas no programa cultural de verán, teñen carácter totalmente gratuíto e estan abertas á participación de todas as persoas maiores de 14 anos.

AporM acusa ao goberno de Mondariz de "falta de transparencia"

Alternativa por Mondariz, a forza máis votada nas pasadas eleccións municipais e que quedou fóra do Goberno "por unha non explicada aínda manobra política pola que o PP lle deu á alcaldía ao BNG", considera que a cidadanía “ten dereito a coñecer o contido do pacto entre os nacionalistas e o PSOE, a que compromisos chegaron ámbalas dúas forzas política"s e de que xeito, estes compromisos, “van repercutir na xestión do Concello e, polo tanto, na vida dos veciños e veciñas do municipio”.

A comarca do Condado-A Paradanta recibe financiación en catro iniciativas locáis para a xuventude

O delegado territorial da Xunta en Pontevedra, José Manuel Cores Tourís, destacou que a Consellería de Política Social, a través da Dirección Xeral de Xuventude, Participación e Voluntariado, destinará case 23.600 euros a catro concellos da comarca do Condado-A Paradanta coa finalidade de poñer en marcha programas dedicados á mocidade durante o ano 2019. Nesta comarca víronse beneficiados os concellos da Cañiza e Ponteareas con 6.000 euros cada un, así como Mondariz, con 5.977 e Arbo con 5.600 euros.

A Anpa do CIP de Mondariz, farta da baixa calidade da comida do comedor

Non é a primeira vez que a Anpa 'Río Tea' do CIP de Mondariz, chama a atención sobre a baixa calidade da comida "que a Xunta de Galicia envía ao comedor escolar". Por desgraza, como acontece a meirande parte das veces, a administración fai ouvidos xordos a unha demandas máis que xustas e máis que xustificadas. Así que hoxe, a Anpa deciciu organizar unha especie de "ata aquí chegamos" e decidiron non enviar aos alumnos e alumnas ao comedor.

AporM repite resultados e o BNG sube a costa do PP

Alternativa por Mondariz (AporM) que durante estes catro anos gobernou en solitario e en minoría, volve a repetir resultados situándose como forza máis votada mentres que o BNG, pasa de 2 a 3 representantes a costa do PP que baixa de 3 a 2. Dito doutro xeito, populares e nacionalistas intercambian posicións respecto á anterior Corporación. O PSdeG-PSOE mantén a representación que tiña cun concelleiro mentres que Ciudadanos aparece en escena a costa do xa desaparecido Mondariz Somos Todos (MsT). Os pactos serán difíciles pero, sen dúbida, chegarán.

O Pleno de Mondariz da luz verde á RPT

O Goberno local de Mondariz amosou a súa satisfacción pola aprobación da RPT (Relación de Postos de Traballo), un documento básico para o correcto desenvolvemento das funcións do persoal municipal xa que nel se especifican con claridade as obrigas e dereitos que teñen os traballadores e traballadoras en cada un dos postos do cadro de persoal do Concello. Ademais, a RTP é un documento que lles ofrece garantía aos traballadores, xa que o seu salario vai ser independente dos cambios de Goberno.

Mil sorrisos, mil pintalabios

A asociación de comerciantes de Mondariz 'Merca Mondariz' repartirá este domingo día 5 de Maio máis de 1.000 pintalabios polo Día da Nai. Este será o cuarto ano que a asociación agasalla as súas clientas para agradecerlle a súa fidelidade durante todo o ano, e que aposten polo comercio local da vila.

Suscribirse a este canal RSS