Ponteareas aposta por dar espazo á creación de empresas e fomento de negocio

O Alcalde de Ponteareas asinou este venres a compra do segundo e do terceiro andar do edificio da Seguridade Social na praza Maior para dedicar este novo espazo á promoción de emprego e de negocios que potencien a economía local, a apoio aos e ás emprendedoras con iniciativas empresariais e as pequenas e medianas empresas. Segundo o alcalde Xosé Represas, “simboliza a nova situación económica do Concello pois había décadas que, como consecuencia da ruina e bancarrota da administración municipal, non se adquirían propiedades”.

O Centro de Interpretación do Castelo de Santa Cruz estrea horario

A partires desta fin de semana o Centro de Interpretación do Castelo de Santa Cruz da Guarda abre novamente as súas portas todas as fins de semana e festivos en horario de 11:00 h a 14:00 h e de 16:00 h a 19:00 h. Este sábado entrada gratuíta por ser o primeiro sábado do mes. Este horario manterase ata o 14 de xuño, a partires do 15 de xuño, e ata o 15 de setembro o horario de verán será de 11:00 h a 14:00 h e de 18:00 h a 21:00 h.

Tui entra a formar parte da 'Red de Juderías de España'

A Asemblea Xeral da Red de Juderías de España celebrada en Madrid acordou aceptar á entrada da cidade de Tui nesta entidade formada por 18 municipios. A partir deste mes de xuño, a red estará formada por 22 concellos xa que, ao mesmo tempo que Tui incorpóranse os municipios de Béjar, Sagunto e Lorca. A entrada efectiva dos catro novos membros farase na segunda asemblea da Red que terá lugar a finais de xuño.

  • Publicado en Tui

Expertos en patrimonio de España e Portugal no I coloquio internacional 'O patrimonio etnográfico'

O concello de Ponteareas acollerá mañá venres día 15 o I coloquio internacional 'O patrimonio etnográfico' que congregará na vila do Tea a expertos en patrimonio e investigadores chegados de diferentes universidades do estado español e de Portugal. Nesta xornada que se desenvolverá ata as 20 horas, intervirán expertos das universidades de Vigo, Santiago, Miguel Hernández, Alicante, Autónoma de Barcelona e tamén do veciño país de Portugal, universidade de Tràs-os-Montes e University of Algarve.

Arbo recupera a ponte románica de San Xoán

O pasado 28 de abril de 2017 o conselleiro de Cultura, Educación e Ordenación Universitaria, Román Rodríguez González e o alcalde do Concello de Arbo, Horacio Gil, asinaban un convenio de colaboración para a recuperación e consolidación da Ponte de Mourentán,  que ten consideración de ben catalogado e incluido no Inventario de Pontes Históricas de Galicia.

  • Publicado en Arbo

Estúdase a creación dunha réplica do petroglifo de Auga dos Cebros de Oia

A Escola Superior de Conservación e Restauración de Bens Culturais de Galicia, a Comunidade de Montes Veciñais e en Man Común de Pedornes e a Asociación Costa dos Castros manteñen contactos con vistas a desenvolver unha nova actuación en Auga dos Cebros, neste caso para poder elaborar unha réplica deste singular petróglifo do concello de Oia. 

  • Publicado en Oia

Patimonio da luz verde á regularización da ampliación do cemiterio de Priegue

Á «Asociación Novo Cemiterio de Priegue» e o Concello de Nigrán comenzaron no ano 2016 a busca dunha solución para regularización da ampliación en 1.262 m2 do cimiterio de Priegue acolléndose á Disposición adicional primeira de regularización de cimiterios, decreto 151/2014 de 20 de novembro, de sanidade mortuoria de Galicia. Ao non existir documentación que acredite exactamente a súa data de construcción tívose en conta o primeiro enterramento que tivo lugar nel, ocorrido o 28 de decembro de 1987.

  • Publicado en Nigrán
Suscribirse a este canal RSS