8.7 C
Pontevedra
Xoves, 28 de Marzo de 2024
Máis
    HomeA ParadantaCovelo'Roteiros e serradoiros dos Carranos' percorre este domingo a ruta da 'Forca...

    ‘Roteiros e serradoiros dos Carranos’ percorre este domingo a ruta da ‘Forca do Lobo’ en Covelo

    Lourdes Enes, concelleira de Turismo do Concello de Covelo vén de lembrar a todas as persoas interesadas que este domingo, día 30 de xaneiro, está prevista a realización do roteiro Forca do Lobo. A actividade enmárcase no programa ‘Roteiros e serradoiro dos Carranos’ desenvolto en colaboración coa Deputación de Pontevedra e que permite unha programación estable de rutas ao longo do ano.

    Este roteiro de dificultade alta percorrerá 13 quilómetros, cunha duración de arredor de cinco horas e un trazado circular. A actividade é de balde e precisa inscrición previa no número de teléfono 654 500 652. O número de prazas está limitado a 20 persoas que serán admitidas por orden de inscrición.

    O guía recomenda levar calzado axeitado para o sendeirismo, crema solar , bebida, alimento reconstituínte, bastón de camiñar e desinfectante de mans. Ademais, lembra que é obrigatorio participar co material de prevención de risco de contaxio individual do COVID 19, como son as máscaras.

    A concelleira de Turismo adianta que as actividades desenvoltas no marco do programa ‘Roteiros e serradoiro dos Carranos’ está a resultar moi exitosa cubrindo sempre as prazas ofertadas e atraendo a persoas de toda Galicia que veñen gozar do día no noso concello.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.