Andrés Benítez resalta o papel das administracións públicas na visibilidade do colectivo LGTBI

Tomiño acolleu este sábado a II Festa Agro LGTBI+, celebración festiva que tivo como escenario o mercado municipal e na que non faltou de nada: concertos, obradoiros, charlas, photocall e manifesto a cargo de Andrés Benítez Oliveira, produtor audiovisual e recoñecido membro do colectivo LGTBI do municipio. O goianés explicou a súa difícil experiencia de ser homosexual no rural durante a súa infancia e adolescencia, opinando que o cambio da sociedade neste sentido e a visibilidade e normalización do colectivo, depende non só da familia e da escola, senón tamén das administracións públicas.

  • Publicado en Tomiño

O sociólogo Angel Amaro falará de xénero na II Festa Agro LGTBI+ de Tomiño

Ángel Amaro Quintás, licenciado en Socioloxía, coeducador e dinamizador comunitario, porá a nota intelectual na II Festa Agro LGTBI+ de Tomiño. O vindeiro sábado, 29 de xuño ás 12.30 horas, o espazo de conferencias so Mercado Municipal (primeiro andar) acollerá a charla Entre a invisibilidade e o paternalismo: a emerxencia do armario de cristal" deste investigador ourensán de 27 anos, natural do Pereiro de Aguiar. 

  • Publicado en Tomiño

SonDeSeu abre a tempada de concertos na Praza do Seixo de Tomiño

A orquestra de música folk contemporánea SonDeSeu abrirá en concerto a Axenda de Verán do Concello de Tomiño. O sábado 29 de xuño, a formación actuará na Praza do Seixo a partir das 22:30 horas, cun repertorio con temas procedentes da tradición oral da música popular de Galicia, arranxados especialmente para a formación polos seus compoñentes.

  • Publicado en Tomiño

Con 11 concelleiros, o novo goberno de Tomiño promete un Concello transparente e aberto

O novo equipo de goberno de Tomiño, formado por 11 concelleiros do BNG (Bloque Nacionalista Galego), o que representa o 60% dos votos, prometeu na súa sesión de investidura, celebrada este mediodía nun salón de plenos abarrotado, un Concello aberto, transparente e dialogante, en disposición de mellora constante, atento aos veciños e veciñas, pero tamén coa vista no futuro.

  • Publicado en Tomiño

Alumnado do San Xerome da Guarda visita o centro comunitario de compostaxe de Goián

As mestras  e mestres composteiros do centro para persoas con discapacidade San Xerome Emiliani, de A Guarda,  visitaron o Centro Comunitario de Compostaxe de Goián. Os  técnicos do Concello de Tomiño puideron  intercambiar experiencias e aprendizaxes con  Ana María Losada, Carmen Verde, Enma Fernández, Fabio Martínez, Francisco José Costas, Generoso Pérez, Lourdes Fernández, Lucía Baz, María Penodjona, Maite Barros, Mercedes Rodríguez e Óscar Álvarez e con Marcio Fernández, Manuel Martínez e Olga Rodríguez e co profesor Guillermo Rodríguez Barreiro.

  • Publicado en Tomiño

A mellora da mobilidade transfronteiriza infanto-xuvenil Tomiño-Cerveira, a estudo pola Comisión Europea

O Programa B- Solutions, promovido pola Asociación de Rexións Fronteirizas Europeas (ARFE) e a EU Commission’s DG REGIO para impulsar a resolución de obstáculos fronteirizos de carácter xurídico e / ou administrativo ao longo das fronteiras internas da UE, seleccionou un proxecto presentado pola Agrupación Europea de Cooperación Territorial Galicia Norte de Portugal (GNP, AECT) en colaboración coa Eurocidade Cerveira-Tomiño e a Comissão de Coordenação e Desenvolvimento Regional do Norte ( CCDR- N).

  • Publicado en Tomiño

Tomiño organiza unha decena de campus e actividades de verán

O Concello de Tomiño vén de abrir o prazo de inscrición nas Actividades de Verán para nenas e nenos. Unha decena de propostas e, concretamente, oito campus deportivos e dous campamentos: urbano e musical. Piragüismo, tenis, pádel e fútbol; rugby, skate, balonmán e atletismo, son as disciplinas dos campus organizados pola Concellería de Deportes.

  • Publicado en Tomiño
Suscribirse a este canal RSS