A alcaldesa en funcións de Mos, Nidia Arévalo; a Secretaria Municipal e o presidente da Asociación de Empresarios de Mos (AEMOS), Manuel Castro, asinaron na mañá de hoxe no salón de sesións do Concello o documento de formalización de concesión demanial do edificio municipal para viveiro de empresas construído no Polígono Industrial da Veigadaña.
O Concello de Mos, acollido á iniciativa Doing Business Galicia, creará un Centro de Servizos Avanzados para a Industria, ao abeiro dunha subvención de 240.000 euros concedida pola Xunta de Galicia de cara a crear un centro que posibilite recursos e xenere negocios, que acompañe á actividade produtiva de cada emprendedor, desenvolvendo sinerxias que permitan a todas as empresas mellorar asúa competitividade, amplair as súas expectativas de crecemento e garantir a supervivencia a longo prazo.
A pasada semana a alcaldesa de Mos, Nidia Arévalo, e diversos concelleiros e concelleiras do equipo de Goberno local visitaron a Asociación de Veciños Santa Ana de Veigadaña, onde, acompañados pola directiva e membros da Asociación, puideron comprobar de primeira man os resultados dos traballos de mellora do local; acometidos grazas ás subvencións dos anos 2016 e 2017 do Plan Específico de Acción Comunitaria da Xunta de Galicia.
A Asociación de Veciños Santa Ana de Veigadaña celebra este sábado, 19 de agosto, a súa propia festa na honra dos maiores deste barrio da parroquia mosense de Petelos. Esta celebración é unha homenaxe aos maiores de 75 anos do barrio de Veigadaña a través dunha xornada festiva de convivencia que inclúe Misa, xantar e música.
O Concello de Mos, Aceesca Emprego e a Entidade de Conservación do Parque Empresarial de Mos, PEMOS-Veigadaña, asinaron esta semana un acordo de colaboración para cubrir o servizo de acondicionamento, revitalización e mantemento das rotondas da devandita área industrial. As rotondas nas que intervirán os traballadores de Aceesca Emprego son propiedade do Concello e están en tres zonas diferentes do Polígono: o Campo de Fútbol das Baloutas, o acceso ao polígono; e unha terceira rotonda existente no parque empresarial.
A alcaldesa de Mos, Nidia Arévalo, e a concelleira mosense de Política Social, Sara Cebreiro, informaron hoxe de que o pasado luns, 27 de xuño, levouse a aprobación en Xunta de Goberno Local o proxecto de execución da nova Escola Infantil da Veigadaña. O pasado mes de maio o Concello de Mos recibía o informe favorable do Consorcio Galego de Servizos de Igualdade e Benestar da consellería de Política Social da Xunta de Galicia sobre o proxecto da Escola Infantil de Veigadaña, cuxo documento básico foi aprobado pouco despois en Xunta de Goberno Local.
A alcaldesa de Mos, Nidia Arévalo, e a concelleira mosense de Política Social, Sara Cebreiro, informaron hoxe de que na tarde de onte levouse a aprobación en Xunta de Goberno Local o proxecto técnico da nova Escola Infantil da Veigadaña. As representantes municipais explicaron que, tras ter recibido no Concello o informe de supervisión favorable emitido polo Consorcio Galego de Servizos de Igualdade e Benestar da consellería de Política Social da Xunta de Galicia sobre o proxecto da Escola Infantil, o mesmo puido ser aprobado onte en Xunta de Goberno.
No serán do venres, 18 de marzo, tivo lugar o acto de reapertura do albergue de peregrinos de Veigadaña logo do parón de inverno, nun acto que contou coa presenza da alcaldesa de Mos, Nidia Arévalo, que estaba acompañada de varios membros do equipo de Goberno, membros da directiva da Asociación de Veciños Santa Ana de Veigadaña, así coma habitantes da zona de Veigadaña.