O Penedo Redondo mellora as súas instalacións para a vindeira tempada

O Concello de Salceda iniciará nestes días as obras da primeira fase do proxecto de mellora das instalacións deportivas municipais de Penedo Redondo, ubicadas na parroquia de Parderrubias. Nesta primeira fase contémplase a construción dunha sala de usos múltiples á que se accederá dende a fachada sur do edificio actual, na que se contará con un vestiario. Ademais crearase unha cantina con acceso dende o lateral do propio campo, xerando así percorridos diferenciados para espectadores/as e xogadores/as.

O Goberno de Salceda solicitará a mediación para resolver o conflicto laboral

Tal como xa anunciara antes das elección municipais, o equipo de goberno de Salceda de Caselas iniciará os trámites para someterse ao servizo de mediación e rematar así co conflicto laboral do Concello. O equipo de goberno cumple así co seu compromiso, recollido no pacto de goberno asinado polas dúas forzas (MS e PSOE) para esta lexislatura, e no que se especificaba a necesidade de intentar solucionar a situación laboral e as solicitudes trasladadas por parte do cadro de persoal municipal.

Mos xa ten a súa primeira Campioa de España de Xadrez

 Con tan só oito anos de idade, a mosense Maia Pérez Souxa forma parte xa da selectiva lista –con menos de dez nomes– de galegos e galegas que foron Campións de España de Xadrez. A xadrecista do Club Xadrez Mos, que acadaba este título o domingo 23 de xuño, foi recibida hoxe pola alcaldesa de Mos Nidia Arévalo á que acompañaban o seu adestrador e tesoureiro do Club Xadrez Mos, Brais Otero Nogueira; o seu pai e secretario do Club Xadrez Mos, César Pérez Novás e a concelleira de Deportes, Begoña Toucedo.

O Ameixoa F. C. protagonizará o 'Estourazo' en Salceda

O Ameixoa F. C. é o colectivo escollido este ano para dar o pistoletazo de saída ás festas do Cristo de Salceda. A cita será o vindeiro sábado 20 ás 22:00 horas no balcón da Casa da Cultura Castelao, donde os compoñentes do club serán os encargados de disparar o xa tradicional 'estourazo', que este ano chega á súa décima edición.

O Porriño aranxa o campo de San Campio para a estrea do Pontellas en Terceira

A alcaldesa do Porriño, Eva García de la Torre, acompañada da concelleira Lourdes Moure e de Julio Bernárdez, xerente do departamento de Deportes do Concello visitaron as obras que a administración municipal está a realizar nos campos de fútbol e vestiarios de San Campio. Actualmente están a realizarse tarefas de pinchado para aireación do céspede e capa vexetal do campo de herba natural.

Susana Seivane, plato forte do Verán Cultural de Salceda

A Concellaría de Cultura e Festas do Concello de Salceda de Caselas, dirixida por Alex Rodríguez, vai poñer en marcha un ano máis a programación de verán que desembocará nas Festas do Cristo, e que o concelleiro presentou esta mañá acompañado da alcaldesa, Loli Castiñeira. O Concelleiro amosouse moi agradecido coas diferentes asociacións do municipio que ano tras ano se ofrecen a subirse ao escenario para presentar os traballos realizados nos diferentes locais culturais das parroquias, e que permiten que se siga mantendo unha programación diaria que se extende ao longo de máis de duas semanas.

Suscribirse a este canal RSS