ponteareas

Ponteareas

Conta atrás para 'Danzar entre Culutras' de Algazara de Celeiros

A concellería de Cultura do Concello de Ponteareas, que dirixe Fernando Groba e o grupo Algazara de Celeiros presentarou unha nova edición de 'Algazara Danzando entre Culturas' que terá lugar este domingo día 21 a partir das 22:00 h no parque da Feira Vella co patrocinio do Concello Ponteareán, nesta edición como xa adiantaba Comarcas na Rede no seu momento, participarán grupos de países como EE.UU., Guinea Bissau, Martinica ou Galiza.

Ponteareas pide a colaboración veciñal para o uso do servizo de recollida de enseres

A concellería de Medio Ambiente, que dirixe Rosa Covelo, quere recordar á cidadanía que cada semana os veciños poden dispor do servizo de recollida de enseres, referíndose deste xeito a mobiliario voluminoso, colchóns, neveiras ou somieres, entre outros moblaxes de particulares e dos fogares. Todos aqueles que queiran empregar este servizo deberán comunicalo previamente chamando ao número de teléfono 986 64 03 07 e os responsables do servizo indicarán o día e lugar onde depositar na rúa o moble ou enser.

A Deputación inicia a contratación da mellora da mobilidade peonil en Guláns

A Deputación de Pontevedra aprobou hoxe en Xunta de Goberno o expediente de contratación para adxudicar as obras de mellora da mobilidade peonil nas inmediacións da igrexa de Guláns en Ponteareas. Inícianse agora os prazos para que a institución provincial saque a licitación o proxecto, se abra a recepción de ofertas e se contrate á construtora, trámites que deberían estar listos antes do inverno se non xorden complicacións.

O Goberno ponteareán desminte as acusacións do PP sobre as nóminas do persoal

O concelleiro de Bo Goberno do Concello de Ponteareas, Roberto Mera, amosou a súa sorpresa diante das críticas do Partido Popular en relación coas nóminas do persoal municipal. “Entendo que o PP e Villar non respecten nin os tradicionais 100 días de graza, porque a derrota de maio foi dura e é mala de dixerir para un partido que non sabe perder, pero aínda así deberían informarse antes de dar renda solta a súa frustración electoral”, sinalou o edil nacionalista.

'Algazara danzando entre Culturas' o domingo no Parque da Feira Vella de Ponteareas

O vindeiro domingo, 21 de xullo ás 22 horas, o Parque da Feira Vella –con entrada totalmente de balde– encherase de sons, inusuarias por estas terras, dos grupos que participarán nunha nova edición do Festival Internacional 'Algazara, danzando entre Culturas' e no que participarán, amais da anfitriona Agrupación Folklórica Algazara de Celeiros , o Trinity Irish Dance Ensemble dos EEUU; Netos de Bandim de Guinea Bissau e Folklorique Group Les Balisiers de la Martinique da Martinica. 

Ponteareas abre o prazo para as listas de substitución de auxiliar de clínica

A concellería de Benestar Social e Igualdade do Concello de Ponteareas, que dirixe Verónica Carrera, vén de dar conta da apertura do prazo para as listas de substitución na categoría de auxiliar de clínica para a residencia municipal de maiores 'Santa Ana'. O prazo remata o vindeiro venres día 26 de xullo. As bases íntegras poden consultarse na páxina web do concello, no apartado “Oferta Emprego Público” “Listaxes de contratacións e nomeamentos” ou accedendo a través desta ligazón

Suscribirse a este canal RSS