Tag: festa das alfombras
A Guarda suspende todos os eventos ata o 12 de xullo
O Concello da Guarda vén de anunciar a suspensión de todos os eventos que tiñan previsto celebrarse no municipio, cando menos, ata o 12 de xullo. Entre os principais actos que non se celebrarán neste 2020 atópanse a festa das Alfombras Florais con motivo do Día do Señor, prevista para o 14 de xuño, e a Festa da Langosta e da Cociña Mariñeira, na primeira fin de semana de xullo. A suspensión obedece á situación de emerxencia sanitaria que se está a vivir e dado que ámbalas dúas celebracións congregan a un importantísimo número de visitantes.