8.7 C
Pontevedra
Xoves, 28 de Marzo de 2024
Máis
    HomeO CondadoPonteareasTerror, comedia e desarraigo vital nunha nova proxección do ciclo ‘Mestre Mateo’...

    Terror, comedia e desarraigo vital nunha nova proxección do ciclo ‘Mestre Mateo’ en Ponteareas

    Esta semana chega a Ponteareas unha nova sesión do ciclo ‘Mestre Mateo’, unha actividade organizada pola Academia Galega do Audiovisual e pola Deputación de Pontevedra que está a traer á vila a proxección gratuíta de películas gañadoras e finalistas nos premios do mesmo nome que recoñecen a excelencia das producións audiovisuais de Galicia.

    Este sábado 22 de outubro ás 20.00 horas a sala multiúsos do auditorio municipal acollerá a proxección da longametraxe ‘Malencolía’, unha obra dirixida por Alfonso Zarauza con melania Cruz e Xulio Abonjo como protagonistas nas que o cine de terror, a comedia e o desarraigo vital combínanse para contar a historia dunha parella que regresa ao rural galego despois de dez anos vivindo en Berlín.

    Así comeza a historia de Sira e Pepe, que atopan por internet unha casa nunha aldea abandonada de Ourense, Lupián, e deciden deixalo todo para iniciar unha nova vida alí. Pero chegados á aldea descobren con sorpresa que a única casa con vida está habitada por un ha peculiar señora chamada Isolina. 

    O concelleiro de Cultura, Fernando Groba, convida a toda a veciñanza a gozar desta nova sesión de cine coa proxección dunha película con 11 nominacións aos Premios Mestre Mateo e gañadora dos galardóns á mellor interpretación de reparto feminina e masculina para Iolanda Muíños e Diego Anido. Para Groba “é un orgullo que Ponteareas sexa un dos poucos municipios da provincia que forman parte da primeira edición do ciclo Mestre Mateo, que non só permitirá ás e aos ponteareáns gozar do mellor cine galego de balde, senón que tamén permite achegar o noso idioma á veciñanza a través de canles como a cultura”.

    A entrada é de balde con entrada libre ata completar aforo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.