O Porriño aranxa o campo de San Campio para a estrea do Pontellas en Terceira

A alcaldesa do Porriño, Eva García de la Torre, acompañada da concelleira Lourdes Moure e de Julio Bernárdez, xerente do departamento de Deportes do Concello visitaron as obras que a administración municipal está a realizar nos campos de fútbol e vestiarios de San Campio. Actualmente están a realizarse tarefas de pinchado para aireación do céspede e capa vexetal do campo de herba natural.

Adxudicadas as obras de reurbanización do primeiro tramo da rúa San Roque

O goberno de Ponteareas vén de dar conta da adxudicación, por 122.193,96 € (IVE incluído) das obras de reurbanización do primeiro tramo da rúa San Roque, conseguindo un aforro de 49.499,11 € respecto ao prezo de licitación. Un total de 21 empresas presentaron os seus proxectos elexindo a mesa de contratación a mellor oferta calidade/prezo. A empresa adxudicataria terá a partir do comezo da obra un prazo de dous meses e quince días para executala, estando previsto o comezo inmediato das mesmas.

Nigrán inviste 60.500 € na pavimentación de catro camiños en Chandebrito

O Concello de Nigrán ven de rematar o asfaltados de catro camiños da parroquia de Chandebrito (Chandebrito, Monte Alba, Pereiras e Rozadas) cun investimento de 60.526 € co fin de mellorar a seguridade viaria no rural. Trátase de catro actuacións moi demandadas dende a Asociación de Veciños O Castro de Chandebrito e a Comunidade de Montes ao estar dous deles con pavimento asfáltico moi deteriorado (Chandebrito e Monte Alba) e outros dous ser de xabre (Pereiras e Rozadas).

  • Publicado en Nigrán

Ponteareas adxudica as obras de mellora integral do Alto da Gloria

O goberno de Ponteareas vén de dar conta da adxudicación, por 197.821.05 (ive incluído), das obras de mellora do Alto da Gloria-Fontenla, conseguindo un aforro de 57.656,24 € respecto ao prezo de licitación. As obras de mellora,que comezarán pasadas as festas do Corpus, contemplan a implantación dunha rede de saneamento de augas residuais en tres tramos principais, o primeiro ao longo da estrada EP-4001-Guillade, un colector secundario que accede ao interior de Fontenla e outro que se estende pola estrada do alto da Gloria no cemiterio.

López-Chaves visita a finalización da obra de acondicionamento do nó de Sanguiñeda

O delegado da Xunta en Vigo, Ignacio López-Chaves, acompañado pola alcaldesa de Mos, Nidia Arévalo, o xefe territorial de Infraestruturas da delegación da Xunta en Pontevedra, José Luis Díez, o tenente alcalde mosense, Alberto Méndez, e o concelleiro de Patrimonio e Servizos, Camilo Augusto, desprazouse hoxe ata o municipio pontevedrés para visitar a finalización da obra de acondicionamento do nó de Sanguiñeda entre a N-120 e a N-550.

  • Publicado en Mos

Carmela Silva visita as obras na rúa da Igrexa e o Castro de Chandebrito

A presidenta da Deputación de Pontevedra, Carmela Silva, xunto ao alcalde de Nigrán, Juan González, e concelleiras e concelleiros do goberno municipal, visitou esta mañá a parroquia de Chandebrito para coñecer as labores de escavación, consolidación e restauración do seu castro, así como as actuacións de mellora na rúa da Igrexa, situada na contorna. Esta última actuación, que conta cun orzamento de 60.350 euros, finánciase a través do Plan Concellos 2018.

  • Publicado en Nigrán

A Deputación comeza o luns as obras de reforma integral da estrada Ponteareas-As Neves

O departamento de Mobilidade da Deputación de Pontevedra iniciará este luns as obras de reforma integral de case trece quilómetros da estrada provincial EP-4006 que une Ponteareas e As Neves. Tamén se iniciará a renovación e acondicionamento da EP-5106 Covelo-Barciademera no Concello de Covelo. Segundo explica o deputado de Mobilidade Uxío Benítez, a actuación na estrada provincial EP-4006 ten un orzamento de 568.387 euros e foi adxudicada á empresa Covsa.

Vinte empresas presentan ofertas para executar as melloras do saneamento en Sendelle e Ameixeira

Un total de 20 empresas presentan as súas ofertas para executar as obras de mellora do sistema de saneamento nas parroquias de Sendelle e Ameixeira, en Crecente, por un investimento de máis de 523.000 euros. A Consellería de Infraestruturas e Mobilidade, a través de Augas de Galicia, colabora co concello co obxectivo de dotar a estes núcleos de poboación dunha nova rede de colectores, ao non dispor na actualidade dunha rede de saneamento axeitada.

Suscribirse a este canal RSS