BNG e PSdG-PSOE acadan un pacto de goberno en Ponteareas

Xosé Represas e Chus Garrote asinaron hoxe o pacto de goberno acordado entre BNG e PSdG-PSOE para gobernar en coalición en Ponteareas durante o vindeiro mandato. BNG e PSdG-PSOE suman doce concelleiros e concelleiras nunha corporación onde a maioría absoluta se sitúa nos once edís.

A Real Orde de Cabaleiros de María Pita, no Corpus de Ponteareas

A Real Orde de Cabaleiros de María Pita trasladaranse a Ponteareas en próximo dia 23 de Xuño para portar o Santísimo Sacramento pola rúas de Ponteareas na procesión do Corpus Christi. A delegación será encabezada por José Enrique Duarte Novo, maestre da Orde. Desde a Asociación de Alfombristas Do Corpus Christi de Ponteareas quixeron "facer un acto de desagravio polo ocorrido en outubro do ano pasado coa alfombra floral realizada en Honra da Virxe do Rosario, Patroa da Coruña e a súa posterior destrución por parte dos servizos de limpeza do Concello".

O 20 de xuño comeza o X Open Vila do Corpus de Tenis

As pistas da Freixa de Ponteareas acollerán, entre o 20 de xuño e o 30 do mesmo mes, os partidos correspondentes ao X Open Vila do Corpus de Tenis que foi presentado na vila do Tea o pasado día 10. Os encontros disputaránse en base á división realizada en tres bloques diferenciados entre si: Vila do Corpus Promesas, Vila do Corpus Feminino e Vila do Corpus Masculino.

A cuarta edición dos Xogos Florais de Ponteareas xa ten premiados

O xurado dos IV Xogos Florais de Ponteareas, composto por Susana Lamela, Marta Dacosta, Delio García, Manrique Fernández Vázquez, Hortensia Bautista e Sofía Rodríguez entregaron este sábado os premios dos Xogos Florais. En total, presentáronse 52 traballos distribuídos nas tres categorías: infantil, xuvenil e adulta.

Ponteareas adxudica as obras de mellora integral do Alto da Gloria

O goberno de Ponteareas vén de dar conta da adxudicación, por 197.821.05 (ive incluído), das obras de mellora do Alto da Gloria-Fontenla, conseguindo un aforro de 57.656,24 € respecto ao prezo de licitación. As obras de mellora,que comezarán pasadas as festas do Corpus, contemplan a implantación dunha rede de saneamento de augas residuais en tres tramos principais, o primeiro ao longo da estrada EP-4001-Guillade, un colector secundario que accede ao interior de Fontenla e outro que se estende pola estrada do alto da Gloria no cemiterio.

O ponteareán Brais Pino proclámase nas Vegas campión do mundo de billar

O ponteareán Brais Pino vén de proclamarse campión do mundo amateur por equipos na cidade estadounidense das Vegas, logo de conseguir o primeiro posto xunto a Fran Doval, Raúl Esmorís, Manuel Montejo e Carlos Gómez. O concelleiro de Deportes en funcións, Benito Márquez, en nome de todo o goberno felicitou ao xogador do Club de Billar Sportivo, polo éxito acadado nesta competición na que participaron un total de 350 equipos.

Suscribirse a este canal RSS